Само еден играч би бил сигурен во мојот идеален состав
Легендарниот шкотски стратег Сер Алекс Фергусон помина дури 27 сезони на клупата на славниот Манчестер Јунајтед. Во текот на неговата кариера поминале безбројни сјајни фудбалери и токму поради тоа Ферги не можеше да го одбере идеалниот состав на тие играчи.
Иако Англичаните го побараа тоа од него во неколку наврати во минатото, тој секогаш избегнуваше да даде одговор на ова прашање а образложението е следно:
“Луѓето ме прашуваат: Кој е твојот најдобар тим во Манчестер Јунајтед? А, тоа едноставно не е можно да се избере. Погледнете ги напаѓачите кои ги имав: Кол, Кантона, Ван Нистерлој, Саха, Солскер, Шерингам. Потоа, погледнете ги напаѓачите од новото време – Руни, Ван Перси, Чикарито. Како да изберем еден од нив? Можеби би го избрал Кантона и уште еден“, рече Фергусон па сепак на крајот се одлучи да избере еден играч кој би бил сигурен во првите 11.
“Искрено, би рекол дека Денис Ирвинг би бил сигурен во најдобриот тим кој го имав. На еден натпревар тој имаше лош пас по што беше постигнат погодок, по што медиумите ме прашуваа дали сум разочаран со неговиот потег, на што одговорив: Па добро, една грешка во десет години, не е тоа така лошо“, рече Фергусон.
Ирвин играше за Манчестер од 1990 до 2002 година и за целото тоа време одигра 368 натпревари на кои постигна 22 гола.