Клуб како што е Реал Мадрид секогаш за цел има титула, но и привлекување на најдобрите играчи на светот.
Иако во своите редови има големи играчи како Кристијано Роналдо, Герет Бејл, Карим Бензема и многу други ѕвезди, Реал планира да купува уште и додатно да се подобрува.
По пишувањата на шпанските медиуми блиски до кралскиот клуб, Марка и АС, Кралевите се подготвени да ја исполнат својата желба да го купат Еден Азар од Челси. Белгискиот репрезентативец и порано беше на мета на Кралевите, што и не е чудно бидејќи Зинедин Зидан има само пофални зборови за крилниот напаѓач на Челси.
Првенство Мбаппе беше еден од врвните цели на Реал, но откако замина во ПСЖ, на Сантијаго Бернабе повторно се погласни се шпекулациите дека управата сака и има желба да го види Азар во кралскиот дрес.
Азар во минатото имаше пофални зборови за Реал: Тоа е голем клуб и би немал ништо против да го облечам дресот на славниот тим, велеше Азар. Ова ќе биде тешка мисија ако се земе предвид фактот дека Челси бара огромна сума на пари за Белигиецот.