“Ова не е сон, ова е обврска“. Овие зборови во фудбалскиот сојуз на Панама го најавија последниот дуел од квалификациите за Светско првенство против Костарика. Играчите таа обврска ја исполнија и за прв пат во историјата ќе се најдат во мундијалот.
Во одлучувачкиот дуел ја совладаа Костарика со 2:1, и со гол во 88. минута го обезбедија своето учевство на Светското првенство, за прв во историјата на земјата.
Посветеноста, зрелоста на главните фудбалери, истрајноста на селекторот, сето тоа го донесе најуспешниот фудбал на Панама. Најголемите успеси на централноамериканската земја биле две финалиња на “Златниот куп“ од 2005. и 2013. година. Сепак, пласман на Светско првенство ќе биде запишан со златни букви во историјата на цела нација.
Претседателот Хуан Карлос Варела 11. октомври го прогласи 11. октомври за национален празник, што е јасно колку големо значење и колкав успех е ова за оваа фудбалска репрезентација.
Фудбалерите под знамето на Панама, предводени од колумбијскиот стратег Ернано Гомез покажаа колку се компактни и подготвени за вистинска фудбалска борба.
– Суштината на тимот, срцето на тимот, основата, играчите кои играат заедно во големи и важни натпревари – рече Мајкл Бредил, капитен на САД пред нивниот меѓусебен дуел и погоди право во центарот.
Што да се каже за стратегот на клупата на Панама кој својата земја ја однесе на Светско првенство 1998. година во Франција, за после четири години да го предводи Еквадор.
Тој во 2014. година ја превзеде репрезентацијата на Панама и се испостави дека, бил штрафот кој недостасувал.
Под контрола на Гомез, Панама стана дисциплиниран тим, тим кој е потполно посветен, кој не се предава и ја користи секоја своја прилика.
Голем број искусни играчи, се придружија млади фудбалери подготвени да се борат и докажуваат.
Трагедијата која им се случи во април оваа година кога прославениот репрезентативец Амикар Енрикез беше убиен во престрелка, додатно ги разочара, но и зближи браќата на Панама. Со емотивни пораки се опростија од играчот кој забележа 75 настапи во дресот на Панама.
Погледнете ја одлучувачкиот натпревар кој ја донесе Панама на Мундијалот.
https://www.youtube.com/watch?v=qWqegVx7nwQ