Реал Мадрид во моментов заостанува дури со осум бодови во однос на водечкиот тим на Барселона. Пред нив е и Валенсија, што на “кралевите“ баш никако не им одговара. Каталонците се водечки тим и покрај бројните проблеми со кои се соочуваат.
Ни во Мадрид не цветаат ружи, Герет Бејл веќе некое време е на удар на критичарите и сигурно ќе го напушти Реал. Можеби веќе и во јануари.
Сега е веќе сосема јасно дека Флорентино Перез одлучил да тргне по нов напаѓач, кој е спремен да го плати и преку 100 милиони евра. Перез ја одреди главната мета во јануари. Тоа е никој друг туку ниту помалку ниту повеќе Антонио Гризман, еден од најдобрите напаѓачи на светот и предводник на Атлетико. Дон Балон соопшти дека Перез прво отишол да се види со Кристијано Роналдо кој го прашал дали има желба Гризман да биде доведен во Реал.
Наводно, ваквата вест го воодушевила португалецот и тој бил убеден дека французинот ќе се вклопи сјајно во тимот. Откупната клаузула е “само“ 100 милиони евра, а Реал тоа секако може да го исплати.
Меѓутоа, земајќи го во предвид големото ривалство тоа ќе биде еден од најконтроверзните трансфери во историјата на фудбалот, но Перез е одлучен да го оствари, секако со Роналдов благослов.