Во интервју за „Новости“ српскиот министер за внатрешни работи Небојша Стефановиќ изјави дека странските служби ги зајакнале дејствувањата насочени кон Србија и властите имаат информации дека тие активности ќе бидат уште поинтензивни. На дело се обиди да се влијае врз интересите на Србија и да се намали нејзиното влијание, посебно во земјите од регионот и каде што живеат Срби. Стефановиќ тврди дека претседателот Александар Вучиќ и Владата водат политика на самостојна и независна Србија, „а кога е така – тогаш државата им пречи на многумина“.