Објавени имињата на 5-те фудбалери
Водечкиот тим во шпанското првенство, екипата на Барселона планира дополнително да ги засили своите редови во јануарскиот преоден рок.
Тренерот Ернесто Валверде има желба да го засили својот тим а неговата главна цел е да направи што посилна дефанзивна линија, но и во средината на теренот имаат намера да ја засилат екипата пред возбудувањето кое им преостанува во остатокот од сезоната.
Марка откри пет фудбалери кои се на листата на желби на каталонскиот великан. Меѓу нив се тројца германци, французин и русин. Листата ја предводи фудбалерот на Арсенал Месут Озил. За неговото доаѓање на Камп Ноу се зборува одамна и тој е наводно првата желба на Барса во зимскиот преоден рок.
Покрај Озил, Барса со задоволство во своите редови би сакала да го види и двоецот на германскиот Шалке Макс Мејер – Леон Горетски со кој исто така се поврзуваа во претходните месеци.
Ако не успеат да го донесат Озил, Каталонците ќе мораат да го свртат своето внимание кон офанзивецот на Лион Набил Фекир. Сјајниот 24. годишен Французин може да игра и во самиот врв на нападот, но е и најкорисен на позиција офанзивен играч од средниот ред и претставува многу добро решение.
Име кое изненадува на листата потенцијални засилувања е и младиот руски играч од средниот ред Александар Головин (21). Овој 21. годишен играч го привлече вниманието на фудбалската јавност во дресот на московска ЦСКА и многу лесно биможело да се случи веќе наредниот месец да го направи трансферот на својата кариера.