Најдобриот фудбалер на Челси Еден Азар можеби ја игра својата последна сезона во дресот на Сините, но само можеби…
За Белгијанецот одамна се интересира Реал Мадрид од кој на лето се очекува да тргне во најголема “офанзива“ до сега, а на Челси ќе им биде тешко да одоли на богатата понуда која би требала да стигне од Мадрид.
Но, ставот на Абрамовиќ е повеќе од јасен – сака да го задржи Азар по секоја цена, тој знае колку е важен овој играч за клубот, а британските медиуми јавуваат и дека го нашол вистинскиот начин за да го оствари тоа.
Челси на Азар ќе му понуди продолжување на договорот и неделна плата од 300. 000 фунти, со што ќе го направи најплатен играч во Премиер лигата после Алексис Санчез ( 500. 000) но пред Пол Погба (290. 000)
Сега останува да почекаме да видиме дали Азар ќе прифати понуда од својот актуелен клуб со што ќе го продолжи својот договор или пак можеби не би одолеал на понудите кои ќе дојдат од страна на кралскиот клуб и ќе побара да замине…
