По трансферот во Манчестер Јунајтед чилеанецот Алексис Санчез е на мета на критики, меѓутоа и анализи од страна на многу познавачи на фудбалот, како и од страна на веќе докажани фудбалски легенди на црвените ѓаволи.
Па така, некогашниот лидер на тимот Рајан Гигс се обиде да анализира што е тоа што го мачи Санчез и зошто тој се уште не го изразил својот потенцијал.
„Мислам дека досега тој е добар. Неговите соиграчи се уште се обидуваат да пронајдат што тој сака да игра, а што не преферира. Понекогаш е потребно и малце подолго време за да тргнат работите“, смета Гигс.
Санчез во Јунајтед дојде како бесплатен трансфер, во замена за Хенрик Микитаријан кој отиде во спротивен правец кон Лондон.
