Капитенот на Барселона Андрес Иниеста се надева на чудо, откако се здоби со повреда при победата од 1:0 над Атлетико Мадрид во текот на викендот.
Фудбалерот беше заменет уште во првото полувреме откако доби повреда. Според шпанските медиуми Иниеста ќе биде надвор од терените меѓу три и четири недели, што автоматски значи и отсуство од најважниот натпревар меѓу Челси и Барселона на 14-ти март.
Но, фудбалерот има надеж дека ќе се случи чудо и дека тој сепак ќе биде во можност да игра на натпреварот. Во следните денови ќе стане јасно колку е сериозна повредата на Иниеста и дали ќе биде подготвен за следниот натпревар.
