Барселона без многу проблеми го совлада Атлетик Билбао и веќе има 11 бода предност во однос на Атлетико Мадрид.
Еден од двата гола попладнево постигна Лионел Меси кој со тоа собори нов рекорд во шпанското првенство. Аргентинецот стана прв играч во историјата со најмалку 25 постигнати гола во девет сезони по ред.
Кристијано Роналдо има шанси да се израмни со него, веќе постигна еден гол против Жирона и му требаат уште шест до крајот на сезоната.
