Шпанскиот фудбалски магионичар, Андрес Иниеста по крајот на оваа кампања си заминува од Барселона и повеќе нема да го гледаме на големата сцена, во најелитните натпреварувања, бидејќи неговата следна дестинација ќе биде надвор од Европа, најверојатно во Кина.
Токму оваа одлука на дон Андрес разви дебата во јавноста за тоа дали Иниеста заслужи низ неговото патување да дојде и да ја освои престижната награда „Златната топка“. Меѓу оние кои сметаат дека Шпанецот дека требал да го добие ова признание е и легендарниот Роналдо кој од друга страна објасни и зошто таа специфична награда не му е потребна на капитенот на Барселона.
-Иниеста ја заслужи „Златната топка“, ама не му е потребна. Има неверојатна листа на трофеи и одлична кариера. Тој е најдобриот шпански играч на сите времиња, му благодарам за неговиот фудбал, неговиот квалитет и неговата великодушност, -истакна Роналдо.
Извор: Дерби.мк