Лидерот на ВМРО-ДПМНЕ оствари средба со претставници на демонстрантите кои од него побараа пратениците од неговата партија да го напуштат Собранието и да им се придружат на протестот против промена на името.
Мицкоски на ваквите барања одговорил дека ВМРО-ДПМНЕ нема да учествува во активностите поврзани со Договорот со Грција, но и дека пратениците нема да го напуштат Собранието бидејќи сметаат дека е подобро да останат внатре и да го спречат премиерот Зоран Заев во носењето на штетни одлуки.