На четири клучни столбови ќе се гради националната стратегија која министерот без ресор ја крои за соработка со дијаспората.
Документот насловен како Националната стратегија за соработка со дијаспората 2018-2023 според наговестувањата на Едмонд Адеми би требало да се донесе до крајот на летото.
Адеми во интервју за МИА открива дека првиот од четирите клучни столбови е политичко-административниот дел каде се регулира правото на гласање на дијаспората, забрзување на документацијата, создавање побрз и пофункционален систем за да не се чекаат документи со месеци.
„Вториот столб е економскиот и инвестициски аспект. Законот за финансиска поддршка на инвестициите иако беше предвиден во Националната стратегијата, веќе е донесен, додека третиот столб е за образование, наука и млади.
Четвртиот столб се однесува на култура и за промоција на културните вредности во Република Македонија, да се промовира културната различност.
Извор: Букефал
