Во моментов се одвива голема полициска акција на третиот кат во паркингот на Сити мол. Полицијата фатила две возила со дрога и оружје, мерцедес и уште едно возило за кое засега нема информации која марка е, дознава порталот Република.
Како што информираат од порталот се трага по човек познат во скопското подземје и едно лице, кое според неофицијални информации на „Република“ е роднина на висок владин функционер.
Портпаролот на МВР за Република само кратко изјави дека кога ќе има повеќе информации дополнително ќе не информира и додаде дека доколку има полициска акција, најпрво таа мора да заврши за МВР да излезе со детали за истата.
Повеќе информации очекувајте во текот на вечерта.