Во 12 градови во Србија утрово германскиот трговски ланец „Лидл“ ги отвори своите први 16 супермаркети. Како што јавија медиумите од соседството, купувачите и тоа како ги преплавиле маркетите за да ги искористат намалувањата на денот на отворањето, а најзаинтересирани биле за пилињата кои се продавале за 119 динари (околу 60 денари) по килограм.
На видео снимките од денешните гужви во Лидл може да се види борбата за пилешкото месо, од кое добар дел не стигнало ниту до рафтовите, туку купувачите го грабаа од рацете на вработените.