После три дена потрага, пронајдено е 20-годишното лице кое беше пријавено за исчезнато од неговиот татко по семејна расправија. Тој бил најден во близина на железничката станица во Скопје.
„На 14.03.2019 во утринските часови во близина на железничката станица во Скопје е пронајден и вратен во домот Б.Д.(20) од Скопје, за кој неговиот татко Ј.Д. (46) на 11.03.2019 во 21.30 часот во Полициската станица Бит Пазар пријави дека се оддалечил од домот“, истакнаа од МВР.
Пред пет дена во Македонија, пред највисокиот законодавен дом се одржа протест, на кој по трети пат родителите на исчезнатите пратија порака дека не се исчезнати нивните мачиња, туку нивните најблиски. Меѓу нив беше и мајката на Пино, кој исчезна на 10 декември а последен пат бил виден во скопската населба Ѓорче Петров околу 22 часот. Излезен бил со бел автомобил марка „Шкода“ со регистерски таблички SK1566AP.