Зоран Заев и Стево Пендаровски се исти 102.5%, велат од ВМРО-ДПМНЕ.
„Заев и крими картелот околу него секојдневно ги ограбуваат граѓаните. Заев го зголеми бројот на граѓани кои живеат под прагот на сиромаштија од 400.000 на 500.000. Заев ветуваше подобар стандард. Заев излажа. Пендаровски лаже исто како Заев. Економијата две години тоне. Стандардот на граѓаните секој месец е се помал. Јавниот долг на Република Македонија откако е дојден Заев на власт е зголемен за над половина милијарда евра. Заев ветуваше намалување на јавниот долг. Заев излажа“, се наведува во соопштението на партијата.
Од ВМРО-ДПМНЕ порачуваат дека Пендаровски и Заев се исти 102.5% и Пендаровски лаже исто како и Заев.
„Секој месец власта во изминативе две години ја задолжува државата за над 20 милиони евра. Заев и Пендаровски ги презадолжија граѓаните и идните генерации, а ниту една капитална инвестиција не е направена. Економијата е на дно, а развој воопшто нема. Република Македонија нема потреба од нов Зоран Заев. Република Македонија има потреба од чесен претседател како Гордана Силјановска Давкова“, порачуваат од ВМРО-ДПМНЕ.