Мартин Шулц, кој е главен ривал за местото германски канцелар на актуелната канцеларка на Германија, Ангела Меркел, денеска отворено го нападна американскиот претседател Доналд Трамп.
Како што јави дописникот на МИА од Берлин, за време на говор во покраината Баварија Шулц, кој е поранешен претседателот на Европскиот парламент и кандидат за канцелар на Социјалдемократската партија на Германија (СПД), изјави дека „секој што сака да гради ѕидови, ги негира женските права, навредува луѓе со хендикеп и ранливи категории граѓани и напаѓа медиуми, мора да биде критикуван“.
Според последните анкети на јавното мислење, СПД на Шулц има сличен рејтинг со најголемиот политички ривал блокот на Христијанско демократската унија (ЦДУ) и Христијанско социјалната унија (ЦСУ), предводен од Меркел, со кој сега социјалдемократите ја делат федералната власт.