„Движењето БЕСА смета дека програмата што вчера ја претставил СДСМ е рамка која треба да се догради за да биде сеопфатна и за прашањата кои се однесуваат на Албанците како втор поголем народ во Македонија.
Сепак Движењето БЕСА во оваа фаза ќе се воздржи од коментар на деталите од претставената програма од СДСМ, бидејќи се уште е не е деблокирано доделувањето на мандат за претседателот не СДСМ, што е процес кој создава можност за отпочнување на преговори за создавање на влада.
Затоа дотогаш нема да коментираме, а откако ќе му биде доделен мандатот, и ние ќе се изјасниме со забелешки и сугестии, се со цел да се постигне една сеопфатна владина програма, секако со надеж дека тоа ќе се случи.
Притоа истакнуваме дека и понатаму имаме разлики со СДСМ во однос на толкување на уставните одредби кои се однесуваат на употребата на албанскиот јазик“, се вели во соопштението на БЕСА.