Весникот „Зери“, повикувајќи се на неименувани извори објави дека предлог законот за трансформација на Косовските сили за безбедност ќе биде поднесен за одобрување во Собранието следниот месец, по изборот за претседател на Србија.
Засега нема коментар за прашањето кога би бил ставен законот во собраниска процедура.
Нуредин Ибиши, пратеник од владејачкиот Демократски сојуз на Косово рече дека Владата има рок од 30 денови да го ревидира предлог законот, наведува весникот.