Ни ги кршат човековите права како луѓе, во конкретната ситуација немаме вето од Грција, туку во конкретниот случај за притвор на граѓаните во границите на Македонија е ставено од овие кои се на власт, од овие кои беа на власт од СДСМ и ДУИ. Ова во интервју за Канал 5 телевизија го кажа министерот за внатрешни работи Панче Тошковски.
Ги направија луѓето да се чувствуваат без кичма, поради нивната непрофесионалност и немање љубов кон сопствениот народ го доведоа граѓанинот и народот до овие маки, рече Тошковски.
Имаме проблем, а кое е решението?
Јас кога прв пат излегов на медиуми, откако бев предложен од ВМРО-ДПМНЕ како министер, прво нешто што кажав дека ќе поднесам Закон за измена и дополнување на Законот за лични документи и Законот за безбедност во сообраќајот, бидејќи како правник знам дека единствено решение кое нема да ја наведне главата на граѓаните и ќе овозможи нормално функционирање е само тоа, додава Тошковски.