САД и речиси уште 40 други држави, вклучително и Велика Британија и Франција, нема да учествуваат во разговорите, што денеска почнуваат во Обединети нации, за Договорот за забрана на нуклеарно оружје, изјави американската амбасадорка во ОН, Ники Хејли.
Главниот советник во Белата куќа за нуклеарна политика Кристофер Форд минатата недела изјави дека администрацијата на Доналд Трамп размислува дали воопшто ќе ја потврди својата политика – свет без нуклеарно оружје.
„Ревизијата на нуклеарната политика ќе го преиспита и прашањето дали светот без нуклеарно оружје е реалистична цел“, истакна Форд.