32.8 C
Skopje
Tuesday, July 16, 2024

СО „ЉУБАВИ“ КОН БОЈКО СТАСАВМЕ ДО ВЕТО Пендаровски беше курир на Заев и на Ковачевски, обвини пратеникот Лефков

На денешната прес конференција ќе покажеме зошто на Македонија не смеат да ` се повторат ниту Стево Пендаровски, ниту СДСM. Изминативе 7 години со СДСM и 5 со Пендаровски беа понижување за нацијата и државата, рече Миле Лефков од ВМРО-ДПМНЕ.

– Пендаровски наместо да се однесува како претседател се однесуваше како курир на Заев, а потоа и на Ковачевски. Па наместо да застапува државни позиции тој носеше поздрави од Заев во Бугарија и го нарекуваше Бојко Борисов „љубави”. Токму ова е пример како не треба да се однесува претседателот на Македонија. Со „љубави“ за Бојко стасавме до вето за Европската Унија од Бугарија. Некако љубовта на Пендаровски невозвратена. Пендаровски наместо со достоинство и со интегритет да ја застапува државата и да ги гради односите, тој со понизност и несериозност ја руши сликата за земјата. Од големата „љубов” на Пендаровски со Бојко остана корпата која ја доби од бугарскиот политички врв и бугарскиот диктат. На Македонија не и треба претседател кој ќе биде понизен пред странските претставници, туку пред народот. Со право народот вели дека немаме држава, време е да ја вратиме – рече Лефков.

поврзани објави

Последни објави