12.8 C
Skopje
Monday, May 27, 2024
spot_img

Мицкоски обвини оти вооружена група блиска до Ахмети се движи низ делови од Скопје

Во реакција на изјавата на Мицкоски, од Демократската унија за интеграција (ДУИ) денеска оценија дека ВМРО-ДПМНЕ и партискиот лидер со лажни вести и дезинформации почнале да оцрнуваат сè што е албанско. Оценија оти неговата реторика е агенда на Москва и рускиот претседател Владимир Путин со цел дестабилизација на земјата и регионот
Лидерот на ВМРО-ДПМНЕ, Христијан Мицкоски, денеска одговарајќи на новинарски прашања изјави дека лице блиско до лидерот на ДУИ, Али Ахмети, контролира вооружена група што се движи низ скопски Чаир и Бутел.

Мицкоски не откри за кого и за што точно станува збор, но рече оти јавноста набрзо ќе дознае.

„Точно знае Али Ахмети што зборувам и точно знае тој негов соработник што уживаше привилегии во луксузен хотел во претседателскиот апартман во Истанбул, бидејќи тој ја координира таа група што се движи на територијата на Бутел и Чаир, а и ги знаеме лицата и точно знаеме што прават, а набрзо ќе дознае и јавноста“,

рече Мицкоски.
На новинарско прашање дали за ваквите сознанија го информирал и побарал да постапува Министерството за внатрешни работи – ресор што во техничката влада го води кадар на ВМРО-ДПМНЕ – Мицкоски не одговори. Рече дека кажал сè што имал да каже и новинарите ги упати да бараат одговори директно од МВР.

„Дали МВР ќе постапува или не и какви сознанија има, ќе се обратите таму“, одговори кусо Мицкоски.

Во реакција на изјавата на Мицкоски, од Демократската унија за интеграција (ДУИ) денеска оценија дека ВМРО-ДПМНЕ и партискиот лидер со лажни вести и дезинформации почнале да оцрнуваат сè што е албанско.

„Мицкоски во стилот на лажни вести и заслепен од желбата за власт ја обвинува ДУИ и Али Ахмети дека организирале вооружена група некаде во Чаир и Бутел. ДУИ и ‘Европскиот фронт’ изразуваат длабока загриженост за подбуцнувачкиот вокабулар на меѓуетничка омраза на Мицкоски една недела пред 8 мај, денот кога ‘Европскиот фронт’ ќе ја одбележи својата длабока победа“,

велат од ДУИ во писмената реакција.
Од партијата на Ахмети оценија оти стравувајќи од изборниот резултат на 8 мај, лидерот на ВМРО-ДПМНЕ намерно ги згрозува меѓуетничките односи предизвикувајќи страв од дестабилизација, која, како што додаваат од ДУИ, е желба и главна цел на проруските центри во Северна Македонија.

„ДУИ и ‘Европскиот фронт’ ги повикуваат граѓаните, без разлика на етничката припадност, да не станат плен на измислици и поттикнување меѓуетничка омраза, бидејќи вокабуларот како оној на Мицкоски е агенда на Москва и Путин, кои сакаат да ја дестабилизираат Северна Македонија посебно, а и регионот во целина“,

додаваат од ДУИ.

поврзани објави

- Advertisement -spot_img
- Advertisement -spot_img

Последни објави