Во рамки на економските мерки во Програмата на Левица, во интервју за ТВ Стар, претседателот на Левица и Носител на ИЕ1, Димитар Апасиев, истакна дека во поглед на економијата предлагаат два столба – антилихварско законодавство и прогресивен данок.
– Првиот ни е антилихварското законодавство со коешто ќе регулираме максимални каматни стапки на давање кредити од банките. Исто така, ќе ги забраниме брзите кеш кредити, коишто го водат народот во должничко ропство. А од друга страна тоа е даночната реформа – единствена партија сме којашто предлага прогресивен данок. Тоа значи богаташите да плаќаат повеќе отколку работниците – рече Апасиев.
Изборите последниве години се паѓаат во работен ден. Првиот круг на претседателските избори се падна на 24 април 2024 година – среда. 8 мај 2024 година е повторно среда. Многу луѓе во приватниот сектор се на работа. Многумина работат во други градови и не можат да стасаат дома, за да гласаат, рече лидерот на Левица.
– Ова е свесно, затоа што олигархијата работи за буржоаските партии – ВМРО-ДПМНЕ и СДСМ. Тоа е свесно направено со цел да се намали цензусот, но статистички гледано, секогаш, парламентарните избори имаат повисок цензус од претседателските. Очекуваме излезноста да биде поголема за десетина проценти и тоа е намерно така направено за да може само нивната администрација, која е клентелистички настроена, да гласа. Но дури и да работат фабриките, имате време да гласате и нашиот апел е: по работа или пред работа да излезете и масовно да го дадете гласот за Левица – порача Апасиев.