Скопјанката Божица Китановска (27) во синоќешната епизода на шоуто „Ѕвездите на Гранд“ отпеа две песни-традиционален македонски и рефрен и нумера од групата „Магазин“.
По завршувањето на настапот, нашата кандидатка беше видно исплашена и вознемирена, рацете ѝ се тресеа, а устата ѝ беше сува, пренесува „Гранд онлајн“.
„Може ли да зборува? Донесете ѝ вода“, искоментираа во студиото.
Жирито не сакаше да биде премногу грубо кон младата пејачка, па дури и Босанац одбираше зборови додека го коментираше нејзиниот настап.
„Многу несигурни тонови во фразите, ги скратуваш за да се извлечеш од проблемите. Неуверлива си и неискусна, сега не би коментирала премногу“, ѝ порача тој, а Марија Шерифовиќ се согласи со него.
Познат како некој што го обожава македонскиот народ, Ѓорѓе Давид со тешко срце ѝ даде копче за паника на оваа натпреварувачка, а потоа објасни дека ја слушал на аудицијата и дека ова е нешто сосема поинакво.
„Сонце мое, ти беше многу добра на аудицијата, како да беше друга личност. Шокиран сум што толку те обзеде нервоза и што звучиш вака. Имаш добра песна за да возиш во баражот, мора да се присобереш, те молам“, ѝ порача тој.
Очекувано, како и во текот на целата емисија, Кеба повторно кажа „ДА“, игнорирајќи го фактот дека колегите повторно ќе го критикуваат.
„Боже, многу лошо би се чувствувал ако не ти дадам „ДА“. Кога те видов се сетив на себе кога имав 16 години, толку силно се тресев, панталоните ми паѓаа. Не беше натпревар од ваков формат, но имав жири“, ја започна својата приказна Кеба кога Божица се расплака.
Следеа минути на утеха од водителката Ана Севиќ, а на Кеба уште повеќе му падна жал.
„Овие солзи нека ви бидат витамин во баражот. Имаш талент, но никогаш не сум видел толку страв кај некого. Најди некој во Скопје да ти биде ментор“, ја советуваше Кеба.