Денеска, присуствував на акцијата реализирана во соработка со Рудникот САСА, каде традиционално беа поделени новогодишните пакетчиња за дечињата од детската градинка „Бамби“, штитениците од Дневниот центар за лица со посебни потреби и на учениците при ООУ „Св. Кирил и Методиј“ во Македонска Каменица. Исто така, во рамки на акцијата беа поделени пакети со прехранбени производи за социјално ранливите категории на граѓани од нашата општина.
Делењето на новогодишните пакетчиња го спроведовме заедно со техничкиот директор на Рудникот САСА, г. Борче Гоцевски, со претставници од оваа општествено одговорната компанија и директори на воспитно- негователските и образовни установи од Македонска Каменица.
Оваа акција е доказ за заедничката грижа, вниманието и нашата посветеност кон нашите најмлади и најмили сограѓани. Со чест и задоволство ја проследивме новогодишната престава подготвена од воспитно – негователскиот тим во нашата детска градинка Бамби, која донесе голема радост и восхит кај дечињата и сите присутни.
Како градоначалник на Општина Македонска Каменица, денешната посета на нашите установи, ја искористив да им ги честитам новогодишните и божиќни празници на дечињата, учениците, вработените во установите и на сите присутни сограѓани, посакувајќи им среќа, здравје и успеси во Новата 2025 година.