Протестот започна со 16-минутен молк во чест на загинатите, по што демонстрантите се упатија од плоштадот Македонија кон Собранието, Градската болница и Владата. Организаторите истакнаа дека нивната главна цел е да се откријат сите одговорни за несреќата и да се спречат слични случаи во иднина.
Во меѓувреме, на социјалните мрежи се појавија видеа и обвинувања за обиди за политичка инструментализација на протестите. Според одредени извори, поединци од странство наводно давале насоки за организирање на движења кои би можеле да ја искористат трагедијата за пошироки политички цели. Од друга страна, дел од учесниците категорично ги негираат ваквите тврдења, нагласувајќи дека протестите се автентична реакција на гневни граѓани.
Клучното прашање што останува е дали протестите ќе успеат да останат фокусирани на барањето правда и одговорност или ќе бидат ставени во сенка од политички влијанија. Едно е сигурно – правда до крај мора да има!
