Македонската дијаспора во Германија се јавува во солидарност – Собрани 3.325 евра за настраданите во пожарот во дискотеката „Pulse“ во Кочани.
На 20 март 2025 година, на средби и молитви исполнети со длабока емоционална тежина, македонската диаспора во областа на Лудвигсхафен и Манхајм се собра во Српската православна црква во Манхајм. Овој настан не беше само састанок на срца и души, туку и вистински чин на солидарност и љубов кон македонскиот народ, посебно во моментите на неизмерна болка и загуба.
Во склопот на собирот, собраните се молеа за вечен мир за 59-те трагично изгубени млади души, кои се симбол на прерано изгаснатата светлина во нашата македонска заедница. Исто така, беа изговорени молитви за брз опоравок и здравје за повеќе од 200 повредени од пожарот во ноќниот клуб „Pulse“ во Кочани на 16 март 2025 година. Овие молитви не се само зборови, туку чин на поддршка што го осветлува патот кон заедничко исцелување.
Како дел од овој хуманитарен чин, донаторите беа поканети да ги споделат своите дарови преку донациската кутија поставена за време на настанот, која беше поставена во Српската Православна Црква бо Манхајм, кадешто отецот Марко несебично ги отвори своите врати, а понатаму кутијата беше проследена во Cafebar Caspar во Лудвигсхафен. Со големо задоволство може да се најави дека, благодарение на споделеното сочувство и љубов, соберани се точно 3.325 евра. Овој износ беше денес директно упатен до Црвениот крст Македонија, со цел да се обезбеди помош и поддршка за сите настрадани.
На сликата подолу е прикачена потврда на трансакцијата, како симбол на транспарентност и доверба во целокупниот хуманитарен процес.
Овој настан и собраниот донативен износ го покажуваат колку е важна заедницата, без разлика од граници и националности. Македонската диаспора во Германија не ги заборава своите корени и секој пат кога нашиот народ е во потреба, тука сме заедно за да дадеме поддршка и да покажеме дека сме силни кога сме заедно. Оваа иницијатива е доказ дека љубовта и солидарноста можат да ги надминат секој предизвик, носејќи светлина и надеж во најтемните моменти.
Во време на неизмерна трагедија и бол, македонската диаспора во Лудвигсхафен и Манхајм го покажа својот дух и посветеност кон нашата земја и нашите луѓе. Со собирањето на 3.325 евра за помош, овој настан се вметнува како еден од оние моменти кога нашата солидарност ја надминува болката и создава мостови на надеж и заедништво.
Благодариме на сите што учествуваа, молеа и придонесоа. Вашиот дар не е само финансиска помош, туку и симбол на љубовта, која никогаш нема да изгасне.
