Во исполнување на едно од најјасните ветувања што ги дадовме пред граѓаните, Владата донесе одлука за блокирање на 173 интернет-страници за онлајн коцкање, кои на нелегален начин нудеа услуги за игри на среќа во нашата земја. Заедно со 53-те страници што беа блокирани минатиот месец, оваа бројка сега изнесува 226! Замислете: за помалку од два месеци затворивме 226 страници за нелегално онлајн коцкање – и оваа бројка не е конечна! Само замислете за еден миг колку длабоко и колку далеку има навлезено мафијата на коцкањето во нашите животи и каква штета има предизвикано кај поединци и семејства погодени од оваа епидемија, истакна денес Изет Меџити.
-226 – не е само бројка. Ова е директен удар врз една криминална мрежа која со години беше толерирана и заштитена од структури тесно поврзани со претходната власт. За жал, една политичка партија која денес се претставува како чувар на правата и достоинствениот живот на Албанците, беше главен спонзор на коцкањето и вклучувајќи се директно во оваа индустрија, ова политичка партија и го даде на коцкарската мафија потребниот политички штит за да расте и се развива без да ја загрози никој! Како последица, нашите населби беа преполнети со казина, а нашите телефони, таблети и компјутери станаа цел на напад од нелегалните платформи за игри на среќа. Тоа што ДУИ му го направи на албанското општество во Северна Македонија е тешка катастрофа – и за ова катастрофа одговорност ќе има! Само за една година, успеавме да го намалиме делувањето на игрите на среќа во земјата за 40%. Ова е голем чекор и јасен доказ за решителноста на ВЛЕН да не прави компромис со никого што го загрозува нашето општество, рече тој.
Меџити посочи: „Ако до вчера имавме казина покрај училиштата, покрај домовите, покрај животите на нашите деца – денес воспоставуваме ред, закон и достоинство. До вчера ДУИ градеше коцкарски империи врз сиромаштијата и очајот на Албанците“.
-Денес, ВЛЕН ги урива тие империи на криминалот и ја гради иднината. Сакам да ги повикувам сите граѓани, особено младите: Не станувајте жртви на измамнички мејлови, не си играјте веќе со вашата судбина на нелегални платформи. Ако имате депонирани средства на тие страници, повлечете ги што е можно поскоро. Државата дејствува и тие платформи нема повеќе да постојат. Со години, ДУИ се коцкаше со судбината на Албанците. Ја претвори сиромаштијата во бизнис, а очајот во глас. Тоа време заврши. ВЛЕН не е дел од стариот систем. ВЛЕН не зборува со празни зборови. ВЛЕН дејствува. Ова е битка за иднината, за нашите деца, за нашата младина, за нашите семејства. Казиното не е развој – тоа е уништување. Казиното не е напредок – тоа е рана. Казиното не е економија – тоа е криминал. Ние, како Влада, не сме сојузници на коцкањето, туку заштитници на албанските семејства. Не сме во служба на криминалните мрежи, туку во заштита на нашето општество и нашиот национален морал. Им ја сечеме пајажината на казино мафијата во која што сакаат да ги заробат нашите деца. Тие што градеа богатства на грбот на болката на нашите луѓе – денес ги изведуваме пред правдата. Ова е само првата фаза. Нашата борба нема да запре. Секоја нелегална обложувалница, секое казино, секоја страница што нуди игри на среќа на незаконски начин – ќе биде затворена. Ќе го искорениме овој систем, од корени гранки. Ова е промената што ја вети ВЛЕН. Ова е државата што нашите граѓани ја заслужуваат. Ова е почетокот на една нова ера, порача Меџити.
