Последните два дена се одржаа јубилејните 30ти Голачки фолклорни средби — душата на традицијата во Делчево!
Со искрена гордост и длабока почит кон нашето културно наследство, ја поздравувам традиционалната манифестација Голачки фолклорни средби – настан кој со години е чувар на македонскиот дух, песна и обичај.
Голачките фолклорни средби не се само настан – тие се жив споменик на културното богатство на Делчево и Македонија, каде што секој чекор на оро, секој звук од гајда и секој вез на народна носија раскажуваат приказна стара векови.
Нека овие средби продолжат да нѐ поврзуваат, да инспирираат млади генерации и да бидат мост меѓу традицијата и иднината.
Горд сум што Делчево деновиве беше дом на ваква магија и местото каде што фолклорот живее!
Да се надеваме дека наскоро ситуациите ќе дозволат да ги видиме на врвот на нашиот планински бисер, на нашиот Голак.
#ГоСакамДелчево
