Денеска одржа седница Централното претседателство на Движењето БЕСА, каде е дискутирано за основните начела на заедничкото владеење со СДСМ.
На ова средба е формирана и посебна комисија, која од денес ги започнува официјалните преговори со новиот мандатар. Координатор на оваа комисија е избран Д-р Арбен Лабеништи, потпретседател на Движење БЕСА.
Во духот на ветувањето за транспарентност со албанскиот гласач, Централното претседателство на БЕСА го информира членството, но и јавноста, дека останува посветена на својата изборна програма, со која ја освои довербата на Албанците во Македонија на изборите од 11 декември 2016 год. За другите детали и за исходот на преговорите јавноста ќе биде информирана навреме.