fbpx
9.8 C
Skopje

Средба Османи-Дончев: Ќе се користат бугарските искуства за ЕУ фондовите

АКТУЕЛНО

Вицепремиерот за европски прашања Бујар Османи во рамки на посетата на Бугарија оствари средба попладневно со вицепремиерот за ЕУ фондови и економска политика Томислав Дончев.

Како што јави известувалот на МИА, на средбата, како што изјави Османи, се разменети искуства за привлекување на средствата од ЕУ фондовите и договорено е веднаш да се направи агенда за заедничко разменување на искусвата.

Бугарија, како што истакна Османи, е една од земјите со највисока стапка на апсорпционен капацитет на тие фондови, а за нас, посочи, е многу важно да се задржат средстата што ги имаме и оние кои се програмирани.

Ја оцени посетата како корисна и додаде оти дава позитивни сигнали на патот на ЕУ интеграциите.

Денешната посета дава позитивни сигнали и Владата се нафати да работи на две траектории. Првата е итни реформски приориети кои ги договаравме на седница на Влада и очекуваме на еврокомесарот Јоханс Хан да му ги презентираме. И втората е елиминирање на политичките пречки што ги имаме на патот кон ЕУ. Една од тие е односите со соседите, односно отворените прашања со Република Бугарија, изјави Османи.

Тоа што денеска го добивме како сигнал, како што рече, дава надеж дека ние едно по едно ги надминуваме пречките што ги имаме на патот.

– А паралелно со агресивното адресирање, како што велиме на реформски приоритети добиваме нов прозорец на можноста и нов политички контекст со кој ќе имаме нов прилив на пари и се надеваме дека ќе бидеме способни да ги користиме, а тоа е целта на овие посети и на оваа размена на искуства за да може да го забрзаме патотот на ЕУ интеграциите, изјави по средбата Османи.

ПОСЛЕДНИ ОБЈАВИ

- Advertisement -