Германската канцеларка Ангела Меркел денеска, по завршувањето на самитот на Г-20 во Хамбург, изјави дека остануваат „длабоки разлики“ меѓу неа и турскиот претседател Реџеп Тајип Ердоган, откако се сретнаа на маргините на форумот.
Таа нагласи дека разликите меѓу двете страни околу прашањата за апсењата во Турција и турската воено воздухопловна база Инџирлик и понатаму остануваат.
– Меѓусебните разговори покажаа дека имаме длабоки несогласувања. Но ние не ги ставивме под тепих тие разлики, нагласи германската канцеларка.
Меркел го истакна и придонесот на Турција на средбата на Г-20.
– Сакам да кажам дека Турција, но и лично Ердоган, земаа активно учество на целата средба. Ги разгледавме напорите кои ги вложува Турција по прашањето за бегалците и миграцијата, додаде Меркел.