Пишува: Алекс Ружин ЧЛЕН НА Ц.О. НА ЛИБЕРАЛНО ДЕМОКРАТСКАТА ПАРТИЈА
Не поминаа ниту 50 дена од конститутирањето на новата влада, а можеме да констатираме дека криминалната клика на ВМРО-ДПМНЕ не престанува со критики, манипулации, превртување на тезите, загриженост за партизација на судството и администрацијата, барање одговорност од владата за натприродните појави како што се земјотресите или подметнатите пожари на ѓубриштата.
Граѓаните се изненадени од интензитетот на бројните пресови на ВМРО-ДПМНЕ во кои оваа криминална група настојува да се наметне како совест на општеството, персонификација на правдината, чесноста, иако на сите им е јасно дека се работи за обиди уште еднаш како во изминатите 11 години да се излаже и ограби народот.
Криминалната ДНК на ВМРО-ДПМНЕ е препознатлива. Уништени граѓани, деловни луѓе, криминални махинации, прислушкувања, нагрдување со барок стил, обид за убиство на пратениците како во Венецуела, промашени автопатни траси, корупција, продадени државни резерви по багателните цели во стилот „После нас потоп“, безмилосно трошење на државни пари, луксузни коли, поткупени медиуми, општ популизам од најниско ниво, огромно богатење на локалните моќници и тајкуни на ВМРО-ДПМНЕ и слично.
Со оваа мала дијагноза за ВМРО-ДПМНЕ, би сакал само да го потсетам македонското јавно мислење со кого имаше работа овој мирен, експлоатиран и уценуван народ. Затоа им порачувам на јуришниците на ДПМНЕ кога ќе ги прават нивните пресови да се потсетат на мал процент од нивните партиски раскалашности, злосторнички потези кои доведоа до нерасветлени убиства на новинари, млади луѓе, полицајци, заштитени сведоци.
Конечно им се обраќам и на внатрешните структури на ВМРО-ДПМНЕ, дека е добро што на пресовите настојуваат да афирмираат нови лица, но најзначајно за демократијата во Р.М. е што побргу од политичката сцена да исчезнат Никола Груевски и неговата криминална клика.
Затоа и оваа власт инсистира врз промената на корумпираниот јавен обвинител Марко Зврлевски за чија заштита ВМРО-ДПМНЕ прави несватливи карамболи согласно криминалната психологија на манипулирање, снаоѓање по секоја цена, само да се избегне правдата и кривичната одговорностза сите осомничени на оваа партија.
