fbpx
9.8 C
Skopje

Четири нови електрични локомотиви пристигнуваат во Македонија

АКТУЕЛНО

Четири нови електрични локомотиви ќе пристигнат во Македонија од страна на кинеската компанија ЦРРЦ Џуџоу. Денес беше потпишан договор од страна на МЖ „Транспорт“ и претставници на од компанијата.

Инвестицијата вредна осум милиони евра е обезбедена од Европската банка за обнова и развој, а е во рамки на проектот за обнова на возниот парк. Ова ќе биде втор проект кој ќе се случи меѓу Македонија и кинеската компанија.

„Набавката на четирите нови електрични локомотиви практично значи обнова на возниот парк по 40 години, доближување до европските и светските стандарди, обезбедување поголема безбедност и сигурност во железничкиот сообраќај, поголем број патници, поголема брзина, енергетска заштеда, заштита на животната средина, ефикасно работење и поквалитетни услуги“, истакна генералниот директор на МЖ „Транспорт“, Никола Костов.

Претседателот на ЦРРЦ,Џо Шин Ха, изјави дека Македонија е важна југоисточна транспортна зона и е постојано во нивниот фокус, истовремено заблагодарувајќи се за довербата.

„Нашата компанија ќе обезбеди ресурси и експертиза. Ќе добиете сигурни, безбедни производи со врвни перформанси и прекрасен изглед“, изјави Шин Ха.

ПОСЛЕДНИ ОБЈАВИ

- Advertisement -