27.8 C
Skopje
Wednesday, June 12, 2024

ВМРО-ДПМНЕ: Заев и Царовска планираат од Македонија да направат мигрантска населба

„Со доселувањето на мигрантите директно се атакува врз економската сигурност на граѓаните. Евтината работна сила ќе предизвика намалување на платите, и нови отпуштања, помалку пари за социјална помош и дисторзија на системот.

СДС, Заев и Мила Царовска планираат од Македонија да направат мигрантска населба.

Неспособниот СДС и Заев не умеат да водат грижа за потребите и заштитата на граѓаните во Македонија.

Со усвојување на Стратегијата за мигранти, бегалци и странци 2017-2020 година и акцискиот план и необисмислените чекори на владата на СДС и министерката за труд и социјална работа Мила Царовска се доведува во опасна ситуација целокупната демографска, безбедносна и економска состојба на нашата земја.

Ваквиот пристап на Заев и Царовска со градење на кампови за бегалците и давање на државјанства на бегалците и мигрантите предизвика голема загриженост и несигурност кај граѓаните. Јавноста секој ден се повеќе и повеќе се изненадува од управувањето и владеењето на СДС и Заев.

Поради негрижата на Заев и Царовска, со трајно населување на мигрантите на територија на Република Македонија може да отвори прашањето за безбедносната состојба на државата и сигурноста на граѓаните во земјата.

Мила Царовска одбива да го слушне мислењето на граѓаните во однос за населување на мигрантите во неколку општини, па затоа вчера ВМРО-ДПМНЕ поднесе интерпелација за нејзина промена од функцијата министер за труд и социјална политика.

Ставот на ВМРО-ДПМНЕ е дека приоритет на било која влада мора и треба да бидат граѓаните на Република Македонија и да се стават во интерес и потреба на сопствените граѓани, а со оваа Стратегија за мигранти Заев и Царовска ги маргинализираат граѓаните на Република Македонија.

ВМРО-ДПМНЕ нема да дозволи Македонија да биде колатерална штета и нашите граѓаните да го трпат неуспехот од погубната политика на СДС и Заев.

Заради ваквата неодговорност и неспособност СДС ќе се соочи со политичка одговорност на следните локални избори и ќе биде целосно делегитимирана од страна на граѓаните“, се вели во соопштението на ВМРО-ДПМНЕ.

поврзани објави

Последни објави