Референдумот за независност Каталонија наскоро ќе биде оддржан, а исходот од истиот може тотално да го промени фудбалот во Шпанија.
За независноста на Каталонија се зборува веќе со години, но сега оваа тема е во центарот на вниманието во Шпанија бидејќи наскоро ќе се одржи референдум. Секако, главното прашање, што се однесува до фудбалот, е што ќе се случува со екипите од Каталонија кои се натпреваруваат во шпанската Ла Лига, но и во пониските лиги. Сосем оправдано во центарот на вниманието е Барселона која покрај Реал Мадрид е сигурно најголемиот клуб во оваа земја.
Пред неколку години кога се потенцираше за темата за референдумот се говореше дека Барселона во случај на независност на Каталонија ќе ја промени лигата и ќе продолжи да се натпреварува во Франција. Меѓутоа, од тоа ништо нема да биде бидејќи е јасно дека Барселона има два избора ако Каталонија добие независност.
Првиот е дека ќе се формира нова лига во Каталонија, но во тој случај Барса би се натпреварувала со Еспањол и Хирона… Шпанските медиуми порачаа дека тоа никогаш нема да се случи бидејки такво сценарио нема да дозволи Ла Лига. Претседателот на Ла Лига Хавиер Тебас е свесен колку Шпанија може да изгуби со заминувањето на Барселона.
Иако се зборуваше дека Барселона и останатите клубови би биле експресно одбиени ако Каталонија стане независна тоа сепак нема да се случи. Имено, финансиската добивка на Ла Лига е преголема за да би се одрекле од великаните од Камп Ноу. Наводно, доколку Барса замине или не се натпреварува во Ла Лига оваа федерација би изгубила преку 100 милиони евра.
