Општина Делчево прогласи денес, ден на жалоста по трагедијата во која животот во стравична сообраќајна несреќа го загуби тричлено семејство.
До несреќата која се случи вчера во 15:40 часот, дошло при директен судар на патничкото возило Фиат Пунто со делчевски регистерски таблички со камион натоварен со дрва со штипски регистерски таблички управуван од 56-годишниот ПГ од Штип.
На лице место загинале 32-годишниот Д.Д. кој го управувал возилото, неговата пет години помлада сопруга и нивниот двегодишен син. Несреќата се случила на магистралниот пат Кочани-Делчево кај месноста Лештаро.
