Вечерва во 20 часот во Музејот на Град Скопје на Фестивалот „Златна лира“, концерт ќе одржи Скопскиот дувачки квинтет, кој одбележува 40 години од постоењето.
Скопскиот дувачки квинтет е еден од првите камерни оркестри во Македонија, кој во изминатите 40 години ја афирмирал македонската музичка култура на повеќе фестивали и настапи низ светот, како во Австрија, САД, Русија, Полска, Израел, а и во повеќе од земјите во регионот.
Во сегашниот состав на квинтетот се Марија Јакимовска – флејта, Васил Атанасов – обоа, Ристе Ѓоревски – кларинет, Даниел Апостолов – фагот и Александар Гошев -хорна. Овие музичари се дел и од камерниот оркестар „Скопски солисти“.