Третата јавна расправа по предлог текстот за стратегијата во културата 2018-2022 ќе се одржи утре (8 ноември 2017) во НГМ-Мала станица, од 12 часот. Јавната расправа ќе ја отворат претставниците од Министерството за култура, координаторот на Работната група за нацрт-стратегијата посебниот советник Златко Теодосиевски, како и претставници од партнерските здруженија со кои Министерството ја организира оваа расправа, и отворените дебати низ повеќе градови во земјава: Култ-Транзен кои во овој проект се поддржани од УСАИД-Македонија, и Јадро-поддржани од Фондацијата Отворено општество Македонија.
По воведната расправа ќе уследат одделни седум сесии по дејности на кои ќе се расправа за новите сугестии по предлог-стратегијата, а од 15 часот сесиите ќе продолжат во форма на инфо-штандови за поддршка на заинтересираните апликанти по Конкурсот за Годишната програма во културата за следната година.
Трета јавна расправа по нацрт-стратегијата во културата 2018-2022, утре во Мала станица
