Националната и универзитетска библиотека „Св. Климент Охридски“ – Скопје во соработка со Народната и универзитетска библиотека од Љубљана, денес ја организира манифестацијата „Денови на словенечката книжевност во Република Македонија”. Во присуство на амбасадорот на Република Словенија во Македонија проф.др Милан Јазбец предвидено е првите луѓе на народните и универзитетски библиотеки од двете земји да потпишат нов договор за соработка кој ќе претставува важен импулс во зацврстувањето на културните врски меѓу националните библиотеки на Република Македонија и на Република Словенија. Во рамките на манифестацијата ќе се одржи и книжевна средба со афирмираните словенечки автори Иво Светина, претседател на Друштвото на словенечки писатели, Јуриј Худолин и Станка Храстељ. Посетителите ќе можат да ја посетат и изложба на книги од автори од Словенија преведени на македонски јазик, објавени во Република Македонија во периодот од 1991 до 2017 година. Вечерта пак, во галеријата „Остен“, со почеток во 19 часот ќе биде отворена изложба на дела од словенечки сликари од колекцијата Остен – Музеј на цртеж.
Изложби, книжевни средби, меморандум на Деновите на словенечка книжевност во НУБ „Св.Климент Охридски“ -Скопје
