30.8 C
Skopje
Saturday, June 15, 2024

Сопственикот на менувачницата пред 5 години бил нападнат во истиот објект, останал инвалид

Двe лица се убиени во вооружен инцидент што попладнево се случил во менувачница во скопската населба Кисела Вода.

Во менувачницата „Македонија“ влегле две лица, најверојатно во обид да извршат грабеж. Потоа се слушнале истрели и тие најверојатно се убиени од сопственикот на менувачницата. Според првичните информации од МВР настанот се води како вооружен инцидент. Од полицијата повеќе детали најавуваат за подоцна.

-Неофицијално дознаваме дека сопственикот на менувачницата пред 5 години бил нападнат во истиот објект, кога бил застрелан во нога и останал инвалид. Дали се работи за истите лица, за освета, за нерасчистени сметки или за грабеж засега не се знае, објави порталот МКД.мк.

Пред да се случи инцидентот во менувачницата влегол еден граѓанин и кратко откако излегол слушнал истрели. Сопственикот на менувачницата најверојатно бил сам во објектот кога двете лица влегле кај него.

поврзани објави

Последни објави