Португалскиот фудбалски ас Кристијано Роналдо изјави дека сака да ја продолжи кариерата освојувајќи трофеи и кариреата да ја заврши во клубот на Реал Мадрид.
“Мотивацијата ми е на високо ниво. Би сакал кариерата да ја завршам во Реал, но тоа не зависи само од мене. Не сум јас шеф во клубот, но од моја страна ќе дадам се за максимумот за екипата. Мое е на теренот да ја одработам својата работа и мислам дека тоа добро го правам“, рече Роналдо во интервју за клупска телевизија на мадридскиот кралевски клуб.
Во наредната сабота на распоредот е големото шпанско дерби, а Роналдо кажа дека се надева на победа против Барселона.
“Се трудиме да уживаме во играта на теренот. Секој ден ја зголемуваме нашата самодоверба и одиме на патот кон успехот односно кон трофеите“ рече тој.