Вчерашниот пад на американските берзи направи 500 најбогати луѓе во светот посиромашни за 114 милијарди долари.
Понеделник, 5 февруари, беше најлош ден за американскиот пазар на акции во текот на изминатите седум години. Во текот на денот на тргувањето, индексот Dow Jones изгуби 4,6%, и падна на 24 илјади 346 поени.
Најсилно беше погоден шефот на инвестициската компанија Berkshire Hathaway, 87-годишниот Ворен Бафет. Според Блумберг, тој загубил 5,1 милијарда долари.
Уште 17 лица загубија повеќе од една милијарда долари за еден ден. Особено, состојбата на основачот на „Фејсбук“ Марк Цукерберг се намали за 3,6 милијарди долари. Основачот на Амазон, Џеф Безос, беше осиромашен за 3,3 милијарди долари.
Основачите и развивачите на Google Лари Пејџ и Сергеј Брин изгубија 2,3 милијарди долари.