За време на доделувањето на Оскарите, беше објавен кус трејлер за последната сезона од ТВ серијата „Куќа од карти“, во којашто нема да го гледаме досегашниот главен актер Кевин Спејси
– Ние тукушто почнуваме!, вели во трејлерот актерката Робин Рајт, која го толкува ликот на Клер, сопругата на претседателот Френк Андервуд. Таа всушност и ќе биде новиот главен протагонист во приказната.
Спејси е отпуштен од проектот поради неодамнешните обвинувања за сексуално вознемирување. Неговото претседателско столче во серијата веќе го презема Рајт.
Сезоната првично требало да има 13 епизоди, и Андервуд, односно Спејси, требаше да остане главен лик, но по скандалот, сценаристите драстично го преработиле веќе подготвениот текст и го избришале ликот на Андервуд.
