Струмичанец бил нападнат од друштвото на поранешниот министер Митко Чавков во кафеана во близина на Колешинските водопади, соопштува телевизија Телма од извор од истрагата.
Инцидентот се случил околу 18 часот во Подгорски ан, таму струмичанецот бил физички нападнат од 4 лица меѓу кои според пријавата на оштетениот имало и инспектори од СВР Струмица. Напаѓачите го удирале по телото, го легнале на земја и му ги свиткале рацете.
Напаѓачите биле во друштво на екс министерот Митко Чавков, кој на жртвата му се обратил со зборовите „што ме сликаш“.
Тој и неговото друштво го напуштиле угостителскиот објект и со три автомобили си заминале, пренесува ТВ Телма.
Митко Чавков е 6-то обвинет за крвавиот четврток и собраниските насилства на 27-ми април. По понудена гаранција во имот вреден неколку стотици илјади евра беше пуштен од притвор.
Извор: Телма
