Добар дел од пејачите кои прифатиле да настапат на владиниот пир што ќе се одржи во 15 градови излегоа со изјави дека не знаеле зошто и за кого ќе настапат. Ова не помина кај обожавачите, кои одбиваат да веруваат дека нивните миленици не знаеле за кого ќе настапат кога договарале настапи за Владата во политичка цел.
Како поткрепа на сомнежите на публиката на четириесетте пејачи и групи доаѓа изјавата на директорот на ЗОО Скопје, Ѓорѓи Галетановски, кој револтиран од мешкањето на артистите, напиша на Фејсбук: „А бе дај не им придавајте на значење. Кој сака нека пее кој неќе нека не пее. На што личи да ги уценуваат за квазипатротски цели? Ова е демократска држава,и режимот заврши. 11 години ве манипулираа и кој се осеќа дужен на шаткарот нека не пее слободно. Кого дупите дека не сте знаеле нешто?“
