fbpx
8.8 C
Skopje

ДОСТА Е – Дино Блажески

АКТУЕЛНО

Пишува: Дино Блажески, претседател на Унијата на млади сили на ВМРО-Народна партија

Како да се чувствуваше во воздухот дека постизборниов циркус ќе заврши онака како што и заврши, па наместо да вдишиме чист воздух барем на политичката сцена или онаму каде што е најзагаден после атмосферскиот, ние добивме нова криза, или можеби криза во криза, исто толку сложена како на пример држава во држава, партија во држава кој како си милува.

Се бараа гласови за повеќе македонски пратеници, за да не аздисуваат албанските партии, па контра удар со платформи, клевети на сметка на државата, национализмот како препознатлива алатка не за љубов кон државата и нацијата туку за заплашување и сценирање нови тензии со кои некој би си ја олеснил веќе тешката ситуација во која западнал. Но тоа не е се, (како кога ќе кажат на топ-шоп) сето ова резултираше со обвинувања кој би бил најголем предавник, а кој патриот, кој се грижел за себе си а кој за државата и кога на народот веќе му дојде преку глава наместо да надзира решение и крај всушност клопчето уште повеќе се вплетка не самото ами од истите тие кои попуваа последниве месец дена.

И кога логично би помислил дека тешкиот момент во кој си навлегол е всушност стапица од која тешко се излегува и врз база на таквата ситуација конечно да собереш сила и изградиш став врз кој ќе превземеш одговорност но и позиција за промена, “главните актери“ се фрлија на моментот кој што требал, а не направил.
И за да не биде само мрчење и млатење празна слама мислам дека времето е и преку зрело за суштински промени. Докажете дека во овие 25 години научивте нешто од македонскава политика и донесете им ги промените на народот, кој годиништа ги чека токму од Вас или превземете ја одговорноста за Вашето (не)одговорно однесување и срушете го генерацискиот јаз на македонската партиско-политичка сцена со тоа што ќе им  дозволите на младите да ја променат оваа држава и ја изведат на вистинскиот пат.

Во овие моменти најзрело би било да се формира широка коалиција и да се отвори пат за суштинските промени кои пак ќе бидат гарант за нови фер и демократски избори, Македонија една изборна единица и поголемо учество на различни мислења од различни партиско-политички субјекти во парламентот. Иако Македонија, финансиски не може да си дозволи изборни циклуси на некои два месеци сепак е неизбежен уште еден во блиска иднина за да се избере нормална влада, со сите нишани. Е тек после се да се организира попис и конечно освен на спортски план да почнеме да се гордееме и на политички.

Промената почнува од самите нас, па затоа донесете ја вистинската одлука и кажете доста е на лошите одлуки и политики првенствено на самите Вас па на сите други останати партиско-политички чинители.

ПОСЛЕДНИ ОБЈАВИ

- Advertisement -