Денеска на прес-конференција, министерот за надворешни работи, Никола Димитров на новинарско прашање „Чиј празник е Илинден“, одговори „во нашиот регион, Балканот имаме многу богата историја. Многу испреплетена историја.
Целта на комисиите што ги формиравме и со Бугарија и со Грција, е како историските наративи на нашите во Македонија и на нашите соседи да не бидат еден против друг, туку да бидат покомплементарни. За нас Илинденското востание е еден од столбовите на кој што почива македонската држава, 2 август 1903 година. Бугарија има друг поглед. Задачата на историчарите а не на политичарите е како да најдат заеднички јазик и како тоа да не биде непомирливо. Ние ништо не губиме ако тој голем настан е важен и за друга држава и за друга историска традиција.
